GÓRNIK

Romboł górnik klocek, romboł go pod ścianom
I przy tym rombaniu ciulnoł sie w kolano
Że go zaskoczyło to nogłe zdarzynie
Na wcześniejszy wyjazd dostoł pozwolynie

Poszoł se przekopym, jak mamlas po szynach
A tu na zakryncie - dup - w niego maszyna
Kieby sie obejrzol za siebie do zadku
To by boł uniknoł przikrego wypadku

Stanoł i nadepnoł na kulok urżnienty
I gwóść zarościały wloz mu aż do pienty
Musioł borok siednońć na tych kloców kupie
Zaroz poczuł drzizga w swojej chudyj dupie

Górnik aż skoczył, hełm mu ślecioł z głowy
I ciulnoł tom głowom w ring od obudowy
Buła mu wylazła na posrodku glacy
Straciył równowaga i ciulnoł na cacy

Jak lecoił na plecy, chycił za kolejka
Palec mu prziczasła jakoś kurwa belka
Chwycił za betonik, kiery wisioł z kraja
Betonik wylecoił i dostoł nim w jaja

Droty co sterczały wlazły mu do miecha
Trza mieć kurwa noga pierońskiego pecha
Jeszcze zdonżył chwycić jakoś deska z tyłu
Półka go prziczasła i ćwierć tony pyłu
Godajom - wypadki niy chodzom parami
Jak to jest naprowda słyszeliście sami
Tak jest niebezpieczno robota górnika
Nie rób nic na dole - unikniesz ryzyka